 |  |  |  |  |  |
 |  |
| ||||||
|
أختر لغة المنتدى من هنا
ترجمة  |
   |
 |
|  | ||||||||
 |
|  | ||||||||
 |  | |||||||||
 |
|  | ||||||||
 |
| | LinkBack | أدوات الموضوع | إبحث في الموضوع | طريقة عرض الموضوع |
 13-09-2009, 09:09 AM | #1 | ||
| عضو نشيط تاريخ التسجيل: Sep 2009 الدولة: بيتنا المشاركات: 74 |
يا حمد تايه كأني بـا النفـود = لا بشر...لا جنّ...مولّية محد بس "انا" و"الجرح" ثالثنا يجود = "حظّي" ابطعنات روحي والجسد أقطع الرمضاا واخاويهم عقود = وارجع إلنفس البداية و الجلـد انزف ابياتي وارددها بركـود = يا صبر أيوب..وياصبري بعـد علّتي إنّي على حظّـي حقـود = لا هو الي مات..او يوم اجتهـد علّتـي إنّـي تِّمّنّيـت الخلـود = في حياة الغير...والغير ابتعـد علتي آآآه ان ذكرته بي تـزود = وعلّة المبخوت علّة لا انقـرد طبّها ياصاح يدعي بالسجـود = "يالله يا ستّار سترك يا صمـد" غيرها ما ينفعه..ومن غير فود = لا دوا..لا طبّ..او كيّ انحمـد ومن يقول الكي احيان امحمود!! = ما كواه الخوف مثلـي وارتعـد ما قضى ليله تفاكيـر وشـرود = سارح ابلحظات منوّتها السعـد روحه ماراحت سماه بلا صعود = وما شتم نجماته لا مـلّ العـدد ما غزى صدره من الضيقة جنود = واشغلوا باله على طـول الأمـد يا عنا عانيته...و دايم يعـود = لا رحل خلّي عن عيوني..بعـد فارضٍ نفسه وهو كل الوجود = في حياتي...ما يسدّ عنّه احـد اعشقه عشق اليهودي لليهود = واحضنه حضن الأبُ لأغلى ولد "يعني لا جاوز غيابه للحـدود = إعتبر صدري لغثا الدنيا بلـد" يا حمد وردة خجلن منهـا ورود = سادت ابّستان عينـي يـا حمـد ماهي لا ريما ولا شوق وعنـود = ولاهي منّولة ولا نـور وشهـد الحلا فيها طغـى والملـح زود = والشرف كلّه إبحياهـا احتشـد مالها مثل البِنِـي مليـون مـود = راكزة فيها العقل عـون وسنـد غّيرت معنى حياتي ابـلا جهـود = و استّقّر الشـوق فينـي للأبـد غابت وصبري على خبرك صمود = منتظر ترجع علـى ذاك الوعـد كم وعد يلفي وتقفي بي وعود = والوعد لا طال تحقيقـه فسـد يا حمد دام الليالي السود...سود = ما يهّونها قصيدي...ولو زهـد | ||
 |      |
| 14-09-2009, 09:42 AM | #4 | ||
| عضو جديد تاريخ التسجيل: Sep 2009 المشاركات: 8 |
تبعته لآخر دروبه .. ألين أن القمر قـد غـاب= تعـب قلبـي ، ولا تعبـت مسافـاتٍ تودينـي لقيت الليلة الجردا : هدب ظل وسما واعشـاب= بعـد ذاك الظـلام اللـي يتوهنـي عناويـنـي صدفتك معجبه فيني وياليت..الغـرام : اعجـاب= وتراك انتي الهنوف اللـي هقيتـك تستحقينـي عطيتك عشق من قلبي..وسلمت لغـلاك رقـاب= وغيـرك يحتـرق قلبـه ولا يقـدر يحاكينـي أنا قبلك صدفت عيون لكن ويش جاب لجـاب؟= ترى كـل العيـون اللـي لقتنـي مـا تكفينـي رماني حظي العاثر عليك وجيـت لـك طـلاب= ولا أنتي اللي عشقتيني ولا انتي اللي عتقتينـي تعالي واعتقي ذاك الخفـوق المولـع المرتـاب= مهب لاجلي ، عشان الله يجازيـك ويجازينـي تعدي في سما عشقي ولو عشقي خراب أصحاب= وصوني بالهوى نفسك قبل لا انتي تصونينـي وشيليني على متنك : خفوقٍ بـاريٍ منصـاب= ومن فوق الغرام العذب .. شيلينـي وحطينـي ولا منك هقيتيني شجـاع ومـا يطيـق يهـاب= أنا لك بالهوى والله مثـل مـا انتـي هقيتينـي أنا ما أمشي ورا غيرك ولو أنه يطـق البـاب= وترى عيبٍ عليّ أطعن..ولو كثـرت سكاكينـي زهودٍ مـا يطيـق الـدم لا دايـن ولا طـلاب= شجاع وعارفٍ نفسـي وأظـن أنـك تعرفينـي غيورٍ ماعرفت أضحك مع الغدر ببّرود أعصاب= أبيـع عيونـي الثنتيـن قبـل أنـك تخونينـي إذا شد الغرام .. اترك خفوقي : بين ناب وناب= لفرقى تكسر ضلوعي .. ولا عشـقٍ يوطّينـي أنا رجلٍ ولي غيره .. وإذا شفت الهوى كـذاب= تثـور بقلبـي الفزعـه ولا تهـدى شياطينـي سؤالك لو يزعزع بي كياني مـا قبلـت عتـاب= اجي لك وأسالك نفس السؤال اللـي سألتينـي عن العشق القديم أبواب .. تقفيها كثير أبـواب= بعد ذاك الحبيب اللي خدعنـي وانخـدع فينـي أبي عشق تحسب له كل نظرات العيون حسـاب= وابي قلبٍ علي قلبي ، وابى دينٍ علـى دينـي وابي نظرة عطا توفي ولا تخلف بدون أسبـاب= وابي منك قبـل لا نتـي تصدينـي .. تودينـي وابي دربٍ على العذال صعبٍ ومتعـبٍ وغـلاب= وابي نفس الطريق الصعـب يبعدهـم ويدنينـي ترى لو للقلوب عيون ولدموع العيون أهـداب= حشى ما تنزل الدمعـه لغيـرك لـو تركتينـي أنا أول من عرف قدرك وأنا توي صغير وشاب= وابي منـك مـا دام أنـك عرفتينـي تحبينـي ما دام أني لقيتك في طريق أسمه غرام أحبـاب= دخيـل الله ، وبعـد الله دخيلـك .. لا تخلينـي ما دام أن كل من يحيا على وجه التراب تـراب= عسى تنساني الدنيـا مـادام أنتـي ذكرتينـي | ||
| | |
|
| مواقع النشر (المفضلة) |
| الكلمات الدليلية (Tags - تاق ) |
| اعجبتني, قصيده |
| أدوات الموضوع | إبحث في الموضوع |
| طريقة عرض الموضوع | |
|
|
 الإعلانات النصية | |||
 |  |  |  |  |
 |  |  |  |  |
 |  |  |  |  |
 |  |  |
 |  |
قصيده اعجبتني 
اقتباس
المشاركة الأصلية كتبت بواسطة the-zero
مشاء الله مشاء الله 
والله الروعه انت ومرورك 
العرض العادي
