 |  |  |  |  |  |
 |  |
| ||||||
|
أختر لغة المنتدى من هنا
ترجمة  |
   |
 |
|  | ||||||||
 |
|  | ||||||||
 |  | |||||||||
 |
|  | ||||||||
 |
| | LinkBack | أدوات الموضوع | إبحث في الموضوع | طريقة عرض الموضوع |
 11-09-2009, 02:24 PM | #1 | ||
| عضو نشيط تاريخ التسجيل: Sep 2009 المشاركات: 35 |
قــصــيـــــدة مـــدح رائـــــعــــــه يحيا العزيز بعزتـه شامـخ الـرأس== وألا الذليـل يمـوت فـي عـز ذلـه ومن عاش شاف في دنيته كل الأجناس== من كل جنـس وكـل مذهـب وملـه ومن عانـد الدنيـا توريـه الأتعـاس == يلقى القهر ويموت فـي وسـط غلـه راع الوفا ممشاه مـع خيـرة النـاس== وراع الردى راع الردى صاحـب لـه ومال الردي في مجلس العز مجـلاس == أصـلا ولا حتـى يجـيـه ويصـلـه بعض الرجال أغلى من كنوز الألمـاس == سيـف ليـا جـات اللـوازم تسـلـه له فزعة تضهر ليا صـرت محتـاس == ودرب الوفـا ماكـل رجــل يـدلـه وبعض العرب من تحت الأقدام ينداس == وبعض العرب من فوق راسك محلـه وبعض العرب صداقتـه دوم نومـاس == وبعض العـرب صداقتـه لـك مذلـه وبعض العرب لا مات تجزع له الناس == وبعض العرب لو مات محدن فطن لـه لا باس ياقلب يبـي المجـد لا بـاس == مـادام فعـل الطيـب فينـا جبـلـه ما عـاد فالدنيـا مسـرات واونـاس == علـه تقفـي عنـك وتجيـك عـلـه ما كل كيف يسبـب لراسـك عمـاس == والكيـف مـا تلقـاه فـي كـل دلـه أعوذ بالرحمـن مـن كـل وسـواس == ومن كل حاسـد شـال فالقلـب غلـه اخذتلي فـي شبـة العمـر مـرواس == وجربت فالأصحـاب مـن كـل شلـه ولقيت من ممشى الردييـن الأفـلاس == ولا كـل رجــال يناسـبـك دلــه لي فالمـلا نضـره ومبـدأ ومقيـاس == ولا أقول أخذت العـرف والعلـم كلـه لكـن لـي قـدوه عزيـزة ونبـراس == والجيـد أصـلـه للمـكـارم يتـلـه ش والبيت يبقى دام مبني علـى سـاس == وان كان مالـه سـاس مـادام ظلـه والآدمـي عمـره محـدد بالأنفـاس == رحـال فـي دنيـاه والقبـر حـلـه أتمنى أنها نـالت أعــجـابـكم | ||
 |      |
| 14-09-2009, 09:37 AM | #3 | ||
| عضو جديد تاريخ التسجيل: Sep 2009 المشاركات: 8 |
" سلام يا يام " أقول الحمد لله ما علت فـي أرضنـا أعـلام وعد رمالهـا وأعـداد مـا هلـت سحايبهـا سلامي عد ما حج الحجيج وكبـروا باحـرام سلامي كل مـا شـدّت لبيـت الله ركايبهـا سلامي عد من زكى زكاته ثـم صـام وقـام سلامي من مشارق أرضنـا حتـى مغاربهـا سلامي عد ما نكتب على وجه الورق بأقـلام سلامي مالنخيـل أهتـز والنسمـة تلاعبهـا سلامي عد ماالبلبل يغنـي بالغصـون أنغـام سلامي كلمـا عيـنٍ تمنـت شـوف غايبهـا سلامي كلما مالت غصون وحركتهـا أنسـام سلامي من حدود الجوف ومن حايل وحتى أبها سلامي كلما اشتاق المحب لمن يحـب وهـام سلامي عد ما التمّـت بعـد غيبـه حبايبهـا سلامي ياهل الطولات يا درع العرب يا يـام رجالٍ ما أحد يزحـم علـى العليـا مناكبهـا رسوا مثل الجبال الراسيات إن زلـت الأقـدام وكما البركان إذا نادى المنادي فـي كتايبهـا إذا طير المنايا فـوق هامـات النشامـا حـام أشوف سيوفهم تلمـع كمـا تلمـع كواكبهـا وإذا ماقام سوق الموت يوم المعركة يـا قـام أشوف نفوسهم يكثر بسـوق المـوت جالبهـا يعشون السباع الجايعه روس الشيوخ اطعـام وطيور السمـا أسيـاف يـامٍ مـن مخالبهـا لهم رايٍ مصيب ما يحير إن حارت الأفهـام ولهم من طيبهم فزعات تذهـل مـن يجربهـا إذا لانوا فهم أبرد وألطف مـن نسيـم الشـام وإذا اشتدوا فهم زلزال يزلزل مـن يغاضبهـا سلمتوا يا سيوف الهند ومضربها يقص الهـام وسم الموت بحدود السيوف وفـي مضاربهـا يا ويل اللي نوى حرب الأسود وغرّته أوهـام أنا أشهد ما اهتنى بالنـوم مجنـون يحاربهـا الأفعى من يجيها إن بـدت بأنيابهـا الأسقـام ولهيب النار من يصبر على حامـي لهايبهـا أشوف الطفل فيهم يا نشا كالليث كالضرغـام وكما همدان إذا شبّ الشباب وشـاب شايبهـا هم الملجا هم الملفا لمن هـو يشكـي الأيـام وهم المزبان يا ضاقت على الخايف جنايبهـا كرام نفوس أهل ناموس عزّ اللي شكا وأنضام كما أمواج البحر يا يام إذا اشتـدت مصايبهـا كرام ومن كرام وضيفهم مـا يعـدم الإكـرام كأن أموالهم ما هـي لهـم إن حـل طالبهـا هم أرحم بالخوي وأكرم من الوالد على الأيتام وأنا أشهد من يجاور يام ما يشكـي متاعبهـا إذا كان السنـة فيهـا ليالـي تختلـف وأيـام بني يام الليالي البيض وهو بـه مـن يكذبهـا سهرتوا وانتهضتوا للمراجل والعفـون نيـام وأظن اللي يبي الطولات ما يرخص مطالبهـا دروب المرجله والطيب ما تاتيـك بالأحـلام إذا مـا خالـط الأقـوال أفعـالٍ تصاحبهـا لبعضهم من بعضهم دوم عصابة راسهم وحزام ذيابـة قاتليـن للجبـان إن جـاء محاربهـا أنا شاعر على كيفي ببحـور الشعـر عـوام دواليـب الفكـر تاتـي علـى كيفـي أقلبهـا أنا أحفظ قصيدي عن هزيل القول والأوهـام وجـزال المعانـي للنشامـا مـا نحسَّبـهـا أنا من دار حاتم جيت وأظن الشعر ما ينـلام إذا ما قد تغنّى في هـوى (نجـران) كاتبهـا جميل الشعر وأعذب شي شعرٍ صادق الإلهـام فلا تصدق بقولـة أعـذب الأبيـات أكذبهـا أجل عشنا وشفنا ومن يعيش يجـرب الأيـام تسقيه الشقـا والهـم مـن قاسـي تجاربهـا أنا من نجد جيت وخاطري تلعـب بـه الآلام ونسيت الهم في بنت الجنوب ومـن يقاربهـا أنا من دار حايل (شمري) ولي الفخر يا يـام إذا فـي مثلكـم سطـرت أبياتـي وأرتبهـا شمر والذيابه يـام ركـن وللفخـر مرسـام فلا الأبيات والأمثال تحصـي لـك مناقبهـا وختام القول صلى الله على من ناصر الإسلام رسول الله شفيع الناس في زحمـة محاسبهـا | ||
| | |
|
| مواقع النشر (المفضلة) |
| الكلمات الدليلية (Tags - تاق ) |
| أروع, المدح, الموجوده, قصائد |
| أدوات الموضوع | إبحث في الموضوع |
| طريقة عرض الموضوع | |
|
|
 الإعلانات النصية | |||
 |  |  |  |  |
 |  |  |  |  |
 |  |  |  |  |
 |  |  |
 |  |
من أروع قصائد الموجوده في المدح 
العرض العادي
