قــصــيـــــدة مـــدح رائـــــعــــــه
يحيا العزيز بعزتـه شامـخ الـرأس== وألا الذليـل يمـوت فـي عـز ذلـه
ومن عاش شاف في دنيته كل الأجناس== من كل جنـس وكـل مذهـب وملـه
ومن عانـد الدنيـا توريـه الأتعـاس == يلقى القهر ويموت فـي وسـط غلـه
راع الوفا ممشاه مـع خيـرة النـاس== وراع الردى راع الردى صاحـب لـه
ومال الردي في مجلس العز مجـلاس == أصـلا ولا حتـى يجـيـه ويصـلـه
بعض الرجال أغلى من كنوز الألمـاس == سيـف ليـا جـات اللـوازم تسـلـه
له فزعة تضهر ليا صـرت محتـاس == ودرب الوفـا ماكـل رجــل يـدلـه
وبعض العرب من تحت الأقدام ينداس == وبعض العرب من فوق راسك محلـه
وبعض العرب صداقتـه دوم نومـاس == وبعض العـرب صداقتـه لـك مذلـه
وبعض العرب لا مات تجزع له الناس == وبعض العرب لو مات محدن فطن لـه
لا باس ياقلب يبـي المجـد لا بـاس == مـادام فعـل الطيـب فينـا جبـلـه
ما عـاد فالدنيـا مسـرات واونـاس == علـه تقفـي عنـك وتجيـك عـلـه
ما كل كيف يسبـب لراسـك عمـاس == والكيـف مـا تلقـاه فـي كـل دلـه
أعوذ بالرحمـن مـن كـل وسـواس == ومن كل حاسـد شـال فالقلـب غلـه
اخذتلي فـي شبـة العمـر مـرواس == وجربت فالأصحـاب مـن كـل شلـه
ولقيت من ممشى الردييـن الأفـلاس == ولا كـل رجــال يناسـبـك دلــه
لي فالمـلا نضـره ومبـدأ ومقيـاس == ولا أقول أخذت العـرف والعلـم كلـه
لكـن لـي قـدوه عزيـزة ونبـراس == والجيـد أصـلـه للمـكـارم يتـلـه
ش
والبيت يبقى دام مبني علـى سـاس == وان كان مالـه سـاس مـادام ظلـه
والآدمـي عمـره محـدد بالأنفـاس == رحـال فـي دنيـاه والقبـر حـلـه
أتمنى أنها نـالت أعــجـابـكم